Monday, August 29, 2016

உலகின் அதிபதியாக இருந்தாலும், ஒரு நண்பன் அவசியமே -யங் .

Posted On Monday, August 29, 2016 0 comments

Friendship Day

நண்பர்கள் தினம் ஆகஸ்ட்


உலகின் அதிபதியாக இருந்தாலும், 
ஒரு நண்பன் அவசியமே


-யங் .

மதுரை அடுக்குமாடி குடியிருப்பு ஃபிளாட் விலை

Posted On Monday, August 29, 2016 0 comments

மதுரை அடுக்குமாடி குடியிருப்பு விலை. (ஃபிளாட்)
(சதுர அடி ரூபாய்)

எஸ்.எஸ்.காலனி   4,300 முதல்  5,000 

பைபாஸ் ரோடு    4,000 முதல்  5,200

சிக்கந்தர் சாவடி   3,000 முதல் 3,800


பாத்திமா காலேஜ்   3,900 முதல் 4,900

விராட்டிபத்து     2,400 முதல் 3,400

மாடக்குளம்       2400 முதல்  3,450
As on August 2016


மதுரை முக்கிய பகுதிகளின் மனை விலை விவரம்

Posted On Monday, August 29, 2016 0 comments

மதுரை முக்கிய பகுதிகளின்  மனை விலை விவரம் 

(சதுர அடி ரூபாய்)

புறவழிச் சாலை (பைபாஸ்  ரோடு)  1,800 முதல் 2,500 

வளர்நகர்     900 முதல் 1,500

உத்தங்குடி  1500 முதல் 1,900

கருப்பாயூரணி  500 முதல் 1,000 

திருப்பரங்குன்றம்  1500 முதல்  1,800 

ஒத்தக்கடை   1,000 முதல்  1,600 

திருநகர்    1400 முதல்  1,900 

தனக்கங்குளம்  800 முதல் 1,300 

பாத்திமா காலேஜ்  1,500 முதல்  2000 

விளாங்குடி  900 முதல்  1,900 

கோச்சடை   1100 முதல் 2300 

விராட்டிபத்து 1,000 முதல் 1,200 

கடச்சநேந்தால் 1,000 முதல்  1,900 

நாகமலை புதுக்கோட்டை  800 முதல் 1500 

கூடல் நகர்  1,000 முதல் 1,500 

ஆனையூர்  800 முதல் 1,500 

திருப்பாலை  1,400 முதல் 2,300 

ஊமச்சிகுளம் 800 முதல் 1,200 

அவனியாபுரம்  600 முதல் 1,400 


திருமங்கலம்  300 முதல் 800 

As on 2016 August 

1. கமாடிட்டி சந்தை தெரிந்துக் கொள்ள வேண்டியது - கமாடிட்டி வர்த்தகம் அ முதல் ஃ வரை

Posted On Monday, August 29, 2016 2 comments

கமாடிட்டி வர்த்தகம் அ முதல் ஃ வரை

கமாடிட்டி வர்த்தகம்  -  
1. தெரிந்துக் கொள்ள வேண்டியது.

 தி.ரா.அருள்ராஜன், தலைவர், 
எக்ட்ரா பங்குச் சந்தை பயிற்சி நிறுவனம்.

பணம் சம்பாதிக்கிறோம், செலவு செய்கிறோம், கொஞ்சம் சேமிக்கவும் முதலீடு செய்யவும்  செய்கிறோம்.

நாம் சேமித்த பணத்தை பெருக்க தேடும் பல வழிமுறைகள் என்று பார்தால்,  அவை...

வங்கி மற்றும் தபால் அலுவலக முதலீடு,

மனை / நிலம் / தோட்டம் / தோட்ட வீடு / அல்லது வீடு / அடுக்குமாடி வாங்குதல்
தங்க நகை வாங்குதல் / தங்க காசு வாங்குதல்

என்று நாம் பல வழிமுறைகள் நாம் பின்பற்றி வருகிறோம்.  இதில் எல்லாம் போட்ட காசு பத்திரமாக இருக்கும் கூட கொஞ்சம் வருமானமும் கிடைக்கும் என்று நம்புகிறோம்.

இன்னும் கொஞ்சம் ரிஸ்க் (இடர்பாடு) எடுக்கலாம், கொஞ்சம் அதிகமாக சம்பாதிக்கலாம் என்று நினைப்பவர்கள்,  பங்குச் சந்தையில் முதலீடு செய்கிறார்கள்.  நல்ல லாபம் ஈட்டும் நிறுவனப் பங்குகளாக வாங்கி, அவற்றை விலை நன்கு அதிகரிக்கும் போது விற்று லாபம் ஈட்டுகிறார்கள்.

இதையும் தாண்டி நான் இன்னும் கூடுதலாக ரிஸ்க் எடுக்கத் தயார், எனக்கு இன்னும் கூடுதலாக லாபம் வேண்டும் நினைப்பவர்கள்,

டிரேட் வெர்சஸ் இன்வெஸ்மென்ட்

பங்குச் சந்தையில் வர்த்தகம் (டிரேட்) செய்ய நினைக்கிறார்கள்.  வர்த்தகம் என்பது, முதலீட்டில் (இன்வெஸ்ட்மென்ட்) இருந்து வேறுபட்டது.  முதலீடு என்பது நிறுவனங்களின் அடிப்படை பொருளாதார காரணிகளையும், நிதி நிலைமையும் ஆராய்ந்து, எதிர்காலத்தில் இந்த நிறுவனம், நமக்கு அதிக லாபத்தை ஈட்டித்தரும் என்று நம்புவதன் அடிப்படையில், அந்த நிறுவனத்தின் பங்குகளை வாங்கி வைத்துக்கொள்வது.

வர்த்தகம் என்று பார்க்கும்போது, அதே நிறுவனத்தை எப்போது ஏறும் அல்லது எப்போது இறங்கும் என்று அதன் விலைநகர்வை ஆராய்ந்து அதன் அடிப்படையில் ஒரு குறுகிய காலத்திற்க்கு வாங்கி விற்பது ஆகும்.

 வியாபாரம் என்று பார்க்கும்போது, வாங்கிய பிறகு வைத்திருக்கும் கால அளவு என்பது, சில நாட்கள், சில மணி நேரம் அல்லது சில நிமிடங்களாகக்கூட இருக்கலாம்

வியாபாரம் செய்யும்போது, ஏறும் என்று நம்பும் பங்குகளை வாங்கி விற்கலாம்.  இறங்கும் என்று நம்பும் பங்குகளை விற்று வாங்கலாம்.  இரண்டிலுமே, நாம் நினைப்பது நடந்தால் லாபம், ஒருவேளை அதற்க்கு எதிராக நடந்தால், நஷ்டம்.

ஒரு எடுத்துக்காட்டாக பார்த்தால், ஒரு முதலீட்டாளாராக ஸ்டேட் பேங்க் பங்குகளை ரூ.2425 க்கு  வாங்குவதாக வைத்துக்கொள்ளலாம்.  நோக்கம் இரண்டு வருடங்கள் காத்திருந்து, சுமார் ரூ.3,500 என்ற விலைக்கு போகும்போது விற்றுவிட வேண்டும்.  இங்கு அவர் ஒரு முதலீட்டாளராக இருக்கிறார்.

அதே ஸ்டேட் பேங்க் பங்குகளை ஒருவர் ரூ.2,425க்கு வாங்கி ரூ.2525 க்கு போனால் விற்றுவிட வேண்டும் என்று நினைத்தால், வர்த்தகராக மாறுகிறார்.

 வாங்குவதற்கும், விற்பதற்கும் இடையே உள்ள கால அளவு,  ஒரு சில நாளகள் தினம் அல்லது ஒரு சில நிமிடங்களாக கூட இருக்கலாம்.

 ஏறும் என்று நான் நினைத்து வாங்கி விற்கும் முறையை ‘லாங்’ (LONG)என்று சொல்லுவோம்.

ஸ்டேட் பேங்க் பங்குகள் ரூ. 2525க்கு கீழெ இறங்கும் என்று நம்பும்போது, ரூ.2525 - ல் விற்றுவிட்டு, அது ரூ.2425க்கு வாங்கி மீண்டும் விலை ஏற்றும் போது, எனக்கு லாபம் கிடைக்கிறது.  இங்கு முதலில் விற்றுவிட்டு பின்பு வாங்குவதால், இத்தகைய வியாபாரத்தை ‘ஷார்ட்’ (SHORT)என்று சொல்லுவோம்.

இதுவரை நாம் பார்த்த முதலீடு மற்றும் வியாபர செயல்பாடுகளை நாம் பங்குச் சந்தையில் கேஷ் மார்க்கெட் என்று சொல்லும் பகுதியின் செய்வதாக எடுத்துக்கொள்ளலாம்.

அது என்ன சார் கேஷ் மார்கெட்? என்று உங்கள் மனதில் ஒரு கேள்வி ஓடலாம்.

இதை தமிழில் ரொக்க சந்தை என்றும் அழைக்கிறோம்.  கேஷ் மார்கெட்டை நாம் தமிழில் உள்ள ஒரு வழக்கு வாக்கியத்தை உபயோகித்து விளக்கலாம்.  அதாவது, கையில் காசு வாயில் தோசை.

இப்ப உங்களுக்கு நல்லா தெரியுமே, எவ்வளவு பங்கு வாங்குவதாக இருந்தாலும், முழுமையாக பணம் கொடுத்துதான் வாங்கனும்.

அட... அப்படினா காசு கொடுக்காமக்கூட வாங்கலாமா? ஒரு நமட்டு சிரிப்புடன் நீங்கள் கேட்பது எனக்கு புரிகிறது.
அப்படி எல்லாம் யோசிக்ககூடாதுங்க.  நான் சொன்னது முழுசா காசு
கொடுத்து வாங்கவேண்டிய இடம் கேஷ் மார்க்கெட்டு,

முழுசா காசு கொடுக்காம, கொஞ்சமாக கொடுத்து வர்த்தகம் பண்ற இடம் இன்னொரு மார்க்கெட்டு.

அது என்ன இன்னொரு மார்கெட்டு?

அதை ஓர் எடுத்துக்காட்டு மூலம் பார்க்கலாம்.

பாரத ஸ்டேட் பேங்க் பங்கு இப்போது ரூ.2,425-ல் இருக்கிறது என்று வைத்துக்கொள்வோம்.  இன்னும் 10 நாட்களில் அது ரூ.2,750  என்ற விலையை எட்டும் என்று நீங்கள் நம்புகிறீர்கள்.
அப்போது  என்ன செய்வீர்கள்?

ஸ்டேட் பேங்க் ஒரு பங்கு ரூ.2425  வீதம், உங்களுக்கு எத்தனை பங்கு வேண்டுமோ அத்தனை பங்குகளை வாங்குவீர்கள்.  இந்த எடுத்துக்காட்டில், நீங்கள் வாங்க நினைக்கும் எண்ணிக்கையை 125 என்று வைத்துக்கொள்வோம். அப்படியானால், நீங்கள் முதலீடு செய்ய வேண்டிய தொகை 2425 x 125 = ரூ.303125/-
ஒருவேளை நீங்கள் ரூ.303125/-க்கு பதிலாக அதில் 10% பணம் கட்டி, அதாவது, ரூ.30312 மட்டும் கட்டிவிட்டு 125 ஸ்டேட் பேங் வாங்கலாம் என்று நான் சொன்னால், உங்களுக்கு விருப்பம் உண்டா இல்லையா?
உங்களுக்கு உள்ளே என்ன ஓடுது?  பேஷா.... பேஷா.... அப்படிதானே?


கூடவே உங்களுக்கு இன்னொரு கேள்வியும் ஓடனுமே.  அதாவது, ஒரு 10% மட்டுமே கொடுத்துட்டு, மொத்தமா வாங்கலாம்னு சொல்றாங்க?  கூடவே ஏதாவது நிபந்தனை இருக்க வேண்டுமே?

ம்....ம்.... ம்....   நீங்க நினைக்கிறது ஓரளவிற்கு கரெக்ட்தாங்க.  இதில் ரெண்டு கன்டிஷன் இருக்குது.
ஒன்னு, நீங்க 10% பணம் கட்டி ரூ.3,03,125 மதிப்புள்ள ஸ்டேட் பேங் வாங்கின பிறகு, வாங்கின விலையான ரூ.2,425க்கு கீழ போனால், உதாரணத்திற்கு 2375க்கு போனால்,  இறங்கிய தொகை ரூ.50 x 125 எண்ணிக்கை = ரூ.6,250 உடனே நீங்கள் கட்ட வேண்டும்.
இப்படி தினம் தினம் எவ்வளவு இறங்குகிறதோ, அவ்வளவு தொகையை 125ஆல் பெருக்கி அந்த தொகையை கட்டி வர வேண்டும்.

எவ்வளவு நாளுக்கு இப்படி கட்ட வேண்டும்?


இந்த மாதிரி இறங்க இறங்க, நீங்கள் அதை விற்கும் வரைக்கும் அல்லது, அனுதிக்கப்பட்ட கால அளவு வரை கட்ட வேண்டும். (அந்த மாதத்தின் கடைசி வியாழக்கிழமை வரை)

கட்டிய பணத்தை திருப்பி கொடுக்க மாட்டார்களா?

கொடுப்பார்கள், பங்கின் விலை ஏற ஏற அந்த பணத்தை திருப்பி கொடுப்பார்கள்.

அப்ப லாபம் வந்தா?

அதையும் கொடுப்பார்கள்.  இப்ப ஸ்டேட் பேங்க் பங்கை ரூ.2,425 வாங்கினீங்க. அது ரூ.2375-க்கு வந்த பிறகு, இறங்கமடைந்த ரூ.50 x 125 = ரூ.62,50 கட்டினீங்க இல்லையா.

அதுவே மீண்டும் ரூ.2,425 க்கு வந்தா, உங்க ரூ.6,250 திரும்ப உங்கள் கணக்கிற்கே வந்துடும்.  பிறகு ரூ.2,475 அப்படி என்று அடுத்த நாள் மேலே ஏறினால், உங்களுக்கு ரூ.50 x 125 = ரூ.6,250 உங்க கணக்குக்கு வந்துடும். இப்படியே ஏற ஏற, எவ்வளவு ஏறுதோ அவ்வளவு x 125 உங்களுக்க லாபமா வரும்.

இது என்னா மெத்தேட்?

இதுக்கு பேருதான் எம்.டி.எம். என்று சொல்வார்கள். மார்க்ட் டு மார்கெட் லாஸ் என்று. விலை நீங்கள் வாங்கியதைவிட கீழே போகும்போதும், மார்க்ட் டு மார்கெட் பிராஃபிட் என்று விலை நீங்கள் வாங்கியதைவிட அதிகமாக போகும்போதும் சொல்லுவார்கள்.

இந்த வகையான வியாபாரத்தை ஃயூச்சர்ஸ் வியாபாரம் என்று அழைப்பார்கள்.

ஃப்யூச்சர்ஸ் வியாபாரத்தில் சாதகம் என்ன, பாதகம் என்ன?


சாதகம் –

1     குறைவாக காசை கொடுத்து அதிகமான மதிப்பிற்க்கு வாங்குகிறோம்.
 2    லாபம் என்று வந்தால், அதிக லாபம் வரும்


பாதகம் –
 1     எப்படி அதிக லாபம் வரும்னு சொல்லுகிறோமோ அதுபோல், அதிக நட்டமும் வரும்.
 2    வாங்க வேண்டிய பங்குகளின் எண்ணிக்கையை ஸ்டாக் எக்சேஞ் நிர்ணயம் செய்யும்.  நீங்கள் குறைக்க முடியாது, கூட்ட வேண்டுமானல், அதன் மல்டிபுல்ஸ் என்று சொல்லும் வகையில், 125 + 125 என்றுதான் கூட்ட வேண்டும்.
இதைத்தான் லாட் சைஸ் அல்லது கான்டிராக்ட் சைஸ் என்று சொல்லுவார்கள்.
கால அளவு.


ஃப்யூச்சர்ஸ் வியாபரத்தில் சாதகம் மற்றும் பாதகத்தை தாண்டி, இன்னும் ஒரு முக்கிய அம்சம் நாம் தெரிந்துகொள்ள வேண்டும்.  அது நாம் வாங்கிய பங்குகளையோ அல்லது பொருட்களையோ எத்தனை காலம் வைத்திருக்கலாம் என்பது.

 மேலே ஒரு இடத்தில், மாதத்தின் கடைசி வியாழக்கிழமை வரை என்று சொல்லியிருந்தேன் அல்லவா!  அதைத்தான் முடிவு நாள் அல்லது எக்ஸஃபயரி நாள் என்று சொல்லுவார்கள்.

 நடப்பு மாதத்தின் கடைசி வியாழக்கிழமை என்பது முதல் சீரிஸ் அல்லது வரிசை என்று சொல்லலாம். பங்குச் சந்தையில் இது போல், எப்போதும் மூன்று சீரிஸ் அல்லது வரிசை அல்லது மாத கால வியபாரம் நடக்கும்.  ஃப்யூச்சர்ஸ் வியாபாரத்தில், நடப்பு மாதத்தில் வியாபாரம் செய்தால், நடப்பு மாத கான்டிராக்ட் என்று சொல்லுவோம்.

இன்னும் கூடுதல் காலம் நாம் வைத்திருக்க நினைத்தால், அடுத்த மாத கான்டிராக்ட்டை இப்போதே வாங்கலாம்.  அது விலை சற்று கூடுதலாக இருக்கும்.  மேலும், உங்களை போல் எத்தனைபேர் அடுத்த மாத கான்டிராக்டை வாங்குவார்கள்.

நடப்பு மாதத்தை ஒப்பிட்டு பார்த்தால், மிக்குறைவாகத்தான் இருப்பார்கள்.  எனவே அதில் வியாபாரும் கொஞ்சம் குறைவாகத்தான் நடக்கும்.



மேலும் ஒரு வியாபாரத்திற்க்கும் அடுத்த வியாபாரத்திற்கும் இடைவெளி கொஞ்சம் கூடுதலாக இருக்கலாம்.  இது தினசரி வர்த்தகருக்கு நல்லதல்ல.  எனவே தினசரி வர்தகர்கள் நடப்பு மாதத்தில் வியாபாரம் செய்வது நல்லது.

இப்ப கமாடிட்டிக்கு வருவோமா?

இந்த மாதிரி, அதிகம் லாபம் அல்லது அதிக நட்டம் கொடுக்ககூடிய வியாபார முறையான ஃப்யூச்சர்ஸ் வர்த்தக முறையில்தான், கமாடிட்டி வியாபாரம் செய்யவேண்டும்.

Ectra
New No 14 old no 154,
AA block 3rd Anenue GRD tower,
3rd floor Annanagar
Chennai. Tamilnadu , India 600 040
044 – 4550 2029

தொலைபேசி : +91 72999 95961

மின் அஞ்சல்: info@ectra.in

இணைய தளம்: www.ectra.in

பார்க்க வேண்டிய வீடியோக்கள்


வெளிநாட்டு வாழ் இந்தியகள் - என்ஆர்ஐ கணக்குகள்...அ முதல் ஃ வரை

Posted On Monday, August 29, 2016 0 comments

FCNR NRO NRE வெளிநாட்டு வாழ் இந்தியகள் - என்ஆர்ஐ கணக்குகள்...அ முதல் ஃ வரை 

 2.   வெளிநாட்டு வாழ் இந்தியகள்களும் வருமான வரியும் ..!

 -  ஆடிட்டர்  திரு. ஜிகார்த்திகேயன்,
பன்னாட்டு வரி ஆலோசகர்,  கோவை 

வெளிநாட்டு வாழ் இந்தியகள் - என்ஆர்ஐ கணக்குகள்..!

அரவிந்தனுக்கு சிறு வயது முதலே, அவனின் அமெரிக்க மாமா மீது கொள்ளை பிரியம்.

அவர் ஒவ்வொரு முறை இந்தியா வரும்போதும் ஏதேதோ கேள்விப்படாத மிட்டாய்களையும், விளையாட்டு பொருட்களையும் வாங்கி வருவார். ஊரில் அனைவரும் அவரிடம் நலன் விசாரிக்க வந்துவிடுவார்கள். 

எப்படியாவது அமெரிக்கா சென்று மாமாவை விட பெரிய ஆள் ஆகிவிட வேண்டும் என்பதில் உறுதியாக அரவிந்தன் இருந்தான்

25 வயதானது, இதோ கிளம்பிவிட்டான் அமெரிக்கா

மாதம் 7,000 டாலர் சம்பளம்.  67 ஆல் பெருக்கி ஊரெல்லாம் போஸ்டர் அடித்தாள் அரவிந்தனின் தாய்.

ஊரில் அரவிந்தனை பற்றிதான் பேச்சு. தன் வாழ்க்கை லட்சியம் நிறைவேறிய சந்தோஷத்தில் இருந்த அரவிந்தனை அவர் அப்பா ஒரு நாள் அலுவகத்துக்கு வரச்சொன்னார். அங்கே அவருடைய பேங்க் நண்பர் ஆனந்த் மாமா இருந்தார்.

பல அறிவுரைகளுக்கு பிறகு, அவன் தான் சம்பாதிக்க இருக்கும் வெளிநாட்டுப் பணத்தை எப்படி சேமிப்பது / முதலீடு செய்வது, எந்த மாதிரி வங்கிக் கணக்குகளை வைத்துக்கொள்ளலாம் என்பது குறித்து கூறத்தொடங்கினார். அத்தனை நேரம் மூடி இருந்த காதுகளை சற்று திறந்துகொண்டார்

வெளிநாடு செல்லும் ஒருவர் பாரத ரிசர்வ் வங்கி (ஆர்பிஐ) அனுமதி எதுவும் இல்லாமல் மூன்று (3) பொதுவான கணக்கு வகைகள் வைத்துக் கொள்ள முடியும்

எஃப்சிஎன்ஆர் (FCNR) 

குடியாளர் அல்லாத சாதாரண ரூபாய் கணக்கு (NRO Account)

குடியாளர் அல்லாத (வெளிப்புற) ரூபாய் கணக்கு (NRE Account)
  ஆடிட்டர்  திரு. ஜிகார்த்திகேயன்

 
எஃப்சிஎன்ஆர்

* எஃப்சிஎன்ஆர்  கணக்குகளை 1 ஆண்டு முதல் 5 ஆண்டு வரையான நிரந்தர வைப்பு நிதியாக ( ஃபிக்ஸட் டெபாசிட்) மட்டுமே துவங்க முடியும்.

* வெளிநாட்டிலிருந்து வங்கிகள் மூலமாக அனுப்பும் அந்நிய செலாவணியிலேயே (ஃபாரக்ஸ்) இந்தக் கணக்கை வைத்துக் கொள்ளலாம்.

* எஃப்சிஎன்ஆர் கணக்குகளிலிருந்து வரும் வட்டி,  வருமான வரிக்கு உட்படுத்தப்படாது

* இந்த வட்டி வருமானத்தை இந்தியாவிலிருந்து வெளிநாட்டுகளுக்கு எடுத்துச் செல்லவும் எந்த தடையும் இல்லை.

எஃப்சிஎன்ஆர் வைப்புக்கள் உள்ளூர் வைப்பு நிதிகளை விட உங்கள் வெளிநாட்டு நாணயத்திலிருந்து (கரன்சி) அதிக வருமானத்தை சம்பாதிக்க சிறந்த வழியாக உள்ளது.

* சில வங்கிகள் இந்த  வைப்பு நிதிகளின் மேல் 85% வரை கடன் அளிக்க தயாராக உள்ளன

என்ஆர்ஓ கணக்கு

* வேலை அல்லது இந்தியாவுக்கு வெளியே ஒரு தொழில் நிறுவுவதற்காக  இந்தியாவை விட்டு செல்பவர் மட்டுமே திறக்க முடியும்.

* ஒரு சாதாரண வங்கி கணக்கு போன்றே என்ஆர்ஓ கணக்கு செயல்படும்.

* இந்தக் கணக்குகளை , வெளிநாட்டு ரூபாய் கணக்குகளிலிருந்து பணம் அனுப்பி திறக்க முடியும். இந்தக் கணக்கு ரூபாயில் வகுக்கப்பட்டடிருக்கும்

இந்தியாவில் என்ஆர்ஓ கணக்கில் அனுமதிக்கப்பட்ட வைப்புகள்:

என்ஆர்இ கணக்குகளில் இருந்து அனுப்பப்படும் பணம்.

இந்தியாவுக்கு வெளியே பெறப்படும் வருமானம்.

தற்காலிக வருகையின் போது கணக்கில் செலுத்தப்படும் பணம்.

வாடகை , ஈவுத் தொகை (டிவிடெண்ட்), ஓய்வூதியம் (பென்சன்), வட்டி போன்ற உள்ளூர் வருமானம்

சொத்துகளை விற்று  மூலம் கிடைத்த தொகை

என்ஆர்ஓ கணக்கில் அனுமதிக்கப்பட்ட எடுப்புகள்:

•           உள்ளூர் செலவுகள்

•           என்ஆர்இ  கணக்குகளில் செலுத்துவதற்காக பணம் எடுத்தல்

என்ஆர்இ  கணக்கு

என்ஆர்இ  கணக்கும் கிட்டத்தட்ட  என்ஆர்ஓ கணக்கைப் போலவே செயல்படும்.
ஒரு சில மாற்றங்கள் மட்டும் இருக்கும். அவற்றை கீழே காண்போம்

* கூட்டுக் கணக்குகள்: இரண்டு அயல்நாடு வாழ் இந்தியர்கள் சொந்தமாக ஒரு கூட்டு என்ஆர்இ அல்லது என்ஆர்ஓ கணக்கில் இயக்க முடியும்.

* இந்தியாவில் உள்ள நெருங்கிய உறவினர்களோடு சேர்ந்து என்ஆர் ஓ கணக்கைத் துவங்கலாம். ஆனால், என்ஆர்இ கணக்கில் கூட்டு உரிமையாளராக ஒரு குடியாளரை சேர்க்க முடியாது

வரிச்  சலுகை: என்ஆர்இ கணக்கிலிருந்து ஈட்டிய வட்டி இந்தியாவில் வரிக்கு உட்பட்டது இல்லை.

ஆனால், என்ஆர்ஓ கணக்கு மூலம் வரும் வட்டி வருமானத்துக்கு 30% வரியை கழித்துவிட்டு பாக்கியை மட்டுமே அளிப்பார்கள்.  

* வெளிநாட்டிற்கு பணத்தை திரும்ப அனுப்புதல்:

என்ஆர்இ கணக்குகளில் (அசல் மற்றும் வட்டி வருமானம்) இருந்து வெளிநாட்டிற்கு எந்த தடையும் இன்றி பணத்தை திரும்ப அனுப்பலாம்.

என்ஆர்ஓ கணக்கில் இருந்து அனுமதி பெற்ற பின் தான் பணம் அனுப்ப முடியும்.
ஒரு வருடத்தில் 1 மில்லியன் (10 லட்சம்) அமெரிக்க டாலர் மதிப்புக்கு மட்டுமே  வெளிநாடுகளுக்கு பணம் அனுப்ப முடியும். அதற்கும், பட்டயக் கணக்காளரிடமிருந்து (ஆடிட்டர்) வருமான வரி செலுத்திவிட்டதற்கான சான்றிதழ் பெற வேண்டும்.  

 கடன் பெறுதல்

 என்ஆர்ஓ மற்றும் என்ஆர்இ வைப்பு நிதி களுக்கு எதிராக ரூபாய் கடன் பெறலாம்.
ஆனால் அந்நிய செலாவணியில் கடன் பெற என்ஆர்இ வைப்பு நிதிகள் மட்டுமே உதவும்

 உள்நாட்டு வருமானத்தை செலுத்துதல் :

என்ஆர்இ கணக்கில், உள்நாட்டு வருமானத்தை நேரடியாக செலுத்த முடியாது

வட்டி விகிதம்

 என்ஆர்ஓ மற்றும் என்ஆர்இ  வைப்பு நிதிகளுக்கு, சாதாரண வைப்பு நிதிகளுக்கு கொடுக்கும் வட்டியை விட, வட்டி  அதிமாகதான் இருக்கும்.

 வட்டி வழங்குவதில் வங்கிகளுக்கு எந்த வரம்பும் அளிக்கப்படுவதில்லை.

குடும்பத்தின் நிதி தேவைகளைப் பொறுத்து எந்த கணக்கு பராமரிக்க வேண்டும் என்று தேர்ந்தெடுக்க வேண்டும்.

இந்தியாவில் அவசர தேவைகள் இருந்தால்என்ஆஓ கணக்கிலும், எளிதாக வெளிநாட்டிற்கு பணம் அனுப்ப என்ஆர்இ கணக்கிலும், வட்டி வருமானம் சம்பாதிக்க ஒரு வைப்பு நிதி  வைத்துகொள்வதாக இருந்தால் எஃப்சிஎன்ஆர் கணக்கிலும் பணத்தை முதலீடு செய்வது சரியாக இருக்கும் என்று கூறி முடித்தார்

என்னடா? எல்லா பணத்தையும் செல்போன் வாங்கியே கரியாக்க போரியா இல்லை மாமா சொன்னதை கொஞ்சமாவது கேட்பியா” என்று தன் வழக்கமான சிடுசிடுப்புடன் கேட்ட அப்பாவிடம் தலையை ஆட்டி வைத்த அரவிந்தன், தன் பணத்தை எவ்வாறு சேமிக்க வேண்டும் என்பதை தானும் அறிந்த மகிழ்ச்சியில் திளைத்தார்.

The author can be reached at karthikeyan.auditor@gmail.com

Coimbatore
142, Alagesan Road, Saibaba Colony,
Coimbatore – 641 011
E-mail:  tax.coimbatore@gmail.com
Phone :  91 422 2447759
Fax      :  91 422 2433800
Mobile:  91 98422 10422

Erode
30, Sri Tower, Bharathidasan Street
Teacher's Colony,  Erode - 638 011 
E-mail: tax.erode@gmail.com
Phone :  91 424 2277101, 
Fax No   :  91 424 2277102
Mobile: 91 98429 26278

Chennai
52, A.V.M.Avenue, I Main Road,
Virugambakkam
Chennai - 600 092


தேடுதல்

Loading...
 

நிதி முதலீடு பங்குச் சந்தை மியூச்சுவல் ஃபண்ட் ரியல் எஸ்டேட் நிதி ஆலோசனை கடன்கள் Nithi Muthaleedu - Copyright © 2012